【耳膠選購攻略】揀耳膠一定要留意嘅三大要點 4款熱門耳膠大比拼

用真無線耳機（TWS）聽歌嘅時候，你係咪都有咁嘅煩惱：音質唔夠清晰、低頻唔夠力、或者佩戴唔舒服？其實，換對好啲嘅耳膠已經可以大大改善音質同舒適度！以下就為大家介紹四款熱門嘅TWS耳膠，可以幫到你提升成個聆聽體驗！

選購真無線耳機耳膠時的3個注意事項

1.耳膠是否完全貼合耳道

耳膠尺寸對音質影響極大，而唔同品牌嘅耳膠尺寸標準亦都會唔一樣。部分品牌除咗提供標準嘅大、中、小尺寸外，還可能提供XS、SS、MS、ML等更細分的尺寸選項。當耳膠太大或太細都會導致漏聲嘅情況出現。初次購買時，最好試多幾個尺碼揀最啱自己嘅耳型啦。

2.檢查自己對真無線耳機是否要配專屬耳膠

部分品牌嘅真無線耳機會採用特別嘅出音導管設計(例如Apple Airpod Pro, Final Audio ZE8000...)，往往哩類嘅耳機都需要配合返專屬嘅耳膠使用。此外，一般真無線耳機充電盒的設計相對會較狹窄，除咗試下係咪啱自己耳型之外，亦都可以嘗試放入充電盒。而一啲相對專屬短管耳膠（如Final E Type）就可以避免耳機無法放入充電盒嘅尷尬情況。

3.定期保養耳膠可以提升使用壽命

耳膠壽命通常取決於材質同埋使用頻率。一般嚟講，一般耳膠可以使用至一年或以上，只需要保持耳膠清潔，定期使用清水或消毒酒精擦拭，就可以延長其使用壽命。

1. Baroque for TWS 耳膠

$118/2對 (提供S、M、L尺寸)

參照幾何三角學聲學結構

Eletech 的 Baroque TWS 耳膠，其設計承襲返自家設計的Baroque IEM 耳膠，採用專利設計 Flexion™ 同 Satine+™ 技術，能夠提升音色細節，並提供極佳嘅佩戴穩定性。同時，耳膠設有抗菌保護塗層 PureShield™，即使長時間佩戴都唔怕細菌滋生，乾淨又衛生！三種尺寸選擇（S、M、L），確保啱晒唔同耳道大小嘅用家。喺聲音方面，明顯能夠感受到低頻下潛變深，同時音場變得更闊，係細節層次上亦都更加細膩豐富，同時亦會增強返高頻清晰度。

2. Final Type-E TWS 耳膠

$99/一對(透明/黑色，提供SS、S、M、L、LL尺寸)

注重舒適感的雙重物料設計

Final以熱門耳膠型號Type-E特別設計出一款專為無線耳機而設的短版Type-E TWS耳膠，採用了雙重矽膠物料，在耳機導管位置利用硬矽膠增強穩定性，而外圍則用了柔軟矽膠帶來舒適佩戴感。廠方亦特別針對耳道壓力進行優化，在長時間使用時都唔會覺得壓迫，極其輕盈自然，仲有五種尺寸俾你揀，無論邊款耳機都可以完美配搭！換上佢之後，低頻量感變多，同時有著不錯的質感，而人聲亦變得潤澤和有感情，整體的聲音密度亦有所提高。

3. FUSION-G 耳膠

$208/一對 (黑色/灰色，提供SS、S、M、L、LL尺寸)

混合泡棉和矽膠的混合材質結構

而Final剛推出了另一款以「三重混合結構」為設計亮點的 FUSION-G 耳膠，在結合了超高密度泡棉、柔軟矽膠同硬質矽膠等三種物料，比起傳統耳膠有更加好的貼合度以及隔音性能。同時沿用了短型導管設計，令佢除咗可以用係有線耳機上，亦可以完全兼容市面上大部分 TWS 耳機。要特別注意嘅喺，由於外部的泡棉不能夠使用酒精棉清潔，喺日常保養只需要用乾布沾上清水清潔即可。係聽感上，比起Type-E耳膠有著更寬闊的空間感和高頻延伸，特別在還原背景樂器的細節上能夠更清晰地表現出嚟，同時有著更加細微的人聲口型變化同豐富的動態。

4. Nuon 空間音響耳膠

$188/兩對（Clear/Boost/Boost & Clear，提供S、M、L尺寸）

加入自研專利聲學設計

來自韓國的音響配件品牌LEPIC推出的Nuon耳膠，則分別提供了Clear同埋Boost兩個版本，配合獨家專利 SOME™ 技術 作為核心，透過內部紋路設計分散不必要嘅低頻，保留最自然嘅音響效果。而穹頂形結構則參照咗羅馬萬神廟嘅圓頂拱型設計，能夠在出音端的內部空間內向各個方向反射聲音，哩種設計有助於平衡返三頻質量同能量分佈，使中高頻更加凝聚和清晰。「Clear」版本能提升人聲同樂器清晰度，而「Boost」版本則加強空間感同低頻量感，用家可以根據需要揀啱自己嘅調音風格！