隨住混音技術普及化，相信有唔少熱愛音樂嘅朋友，都會選擇喺屋企嘗試體驗混音嘅樂趣。亦都有唔少嘅朋友，會透過外置電腦錄音介面 (Interface)，錄製嚟自樂器嘅音軌，除咗可以了解自己彈奏時候嘅缺點，更加可以透過錄製音軌，創作屬於自己嘅音樂。
而要達到一定製作水平，除咗要有一隻好嘅外置電腦錄音介面之外，喇叭、耳機等器材嘅性能更加不容有失，所以小編就為大家整合咗三款，適合用喺居家混音、樂器練習嘅好拍擋比大家參考。
Fostex NF04R
 |
Fostex NF04R可以話喺相當適合一眾屋企、Studio枱面位置有限，但想放返對監聽喇叭嘅創作者朋友。喺依款喇叭上面，Fostex除咗為佢配備由複合材質結合建築學嘅雙曲拋物線原理，所設計嘅四吋 HR 低音單元，更同時亦配備由聚氨酯薄膜壓布作為震膜材質嘅UFLC 高音軟頂單元。透過單元之間嘅互相協作，NF04R不但可以實現出清晰有力嘅低頻響應，更提供咗精準嘅定位。
與此同時，NF04R細小嘅體積更可以輕鬆配合唔同環境使用，而為咗要提升喺聲音上面嘅還原度，品牌更加利用鋁壓鑄外殼，加強箱身嘅穩定性，令到NF04R可以提供更貼近真實嘅聆聽體驗，令用家可以獲得更可靠嘅聲音回饋。 |
了解更多產品資訊：https://ect.com.hk/tc/product/nf04r-active-speaker
專業音樂人評價：https://www.fostex.jp/products/nf04r/
Fostex T50RP MK4
|
受惠於 Fostex 專利嘅RP單元技術，T50RP嘅性能表現，向來都備受唔少混音工作者認可，而品牌今年更加分別對RP單元技術進行升級，將震膜獨特嘅「蛇中有蛇」線路密度加強，並且將磁鐵陣列嘅數目進一步提升。
令耳機喺運作嘅時候，可以擁有更平均、更順暢嘅驅動力，從而提升耳機喺中高頻嘅還原度。依個聲音特性，可以專注增加結他、人聲結像嘅精細度，令用家對自己嘅作品有更深入嘅了解，從而加強練習成果！ |
 |
了解更多產品資訊：https://ect.com.hk/tc/product/t50rpmk4
專業音樂人評價：https://www.fostex.jp/rp-usersfile/
Audeze MM-100
 |
由美國科技品牌Audeze，所設計嘅平板耳機，向來都深受唔少海外混音師同製作人歡迎。近年品牌更喺上年，同葛萊美獲獎工程師/製作人Manny Marroquin再度聯手開發全新作品MM-100。
喺全新嘅MM-100上面，Manny Marroquin利用自身多年嘅音樂製作經驗，對耳機嘅靈敏度、阻抗數值進行調整，令MM-100可以提供精準嘅聲音定位。同時，開放式嘅設計亦可以為用家帶嚟廣闊而具深度嘅音場，依個聲音特性，就可以為一眾對音樂製作有要求嘅朋友，帶嚟更優質嘅製作體驗。 |
了解更多產品資訊：
https://ect.com.hk/tc/product/mm100
