有用開 Apple Music、KKBOX、Spotify 等音樂串流平台嘅用家，一定對「無損音質（Lossless Audio）」唔會陌生啦，現時好多串流音樂平台都已經提供無損串流音樂方案俾用家。然而，每個串流音樂平台都有自己一套嘅編碼方法處理同傳輸無損音樂，到底邊款先係最啱自己聽？今次就等小編幫大家介紹一下！
KKBOX – 亞洲華語樂迷首選
KKBOX係亞洲華語樂迷嘅首選音樂平台，提供無損音質嘅歌曲選擇，數量多達四千萬首 16bit CD 無損歌曲，仲有超過百萬首 24bit Hi-Res 無損歌曲，涵蓋廣東話、國語、歐美同日韓等多個語系。
而係音質編碼方面，KKBOX 採用 FLAC 格式，「HiFi 無損音質」分為 16 bit / 44.1 kHz 同 16 bit / 48 kHz 兩種規格，音質效果同 CD 一樣，並且提供更進階嘅「Hi-Res 高解析音質」方案，提供最高 24 bit / 48 kHz、24 bit / 96 kHz 及 24 bit / 192 kHz 等多種音質選項。
*KKBOX 無損音質個人方案: HKD$116/每月
Apple Music - Apple Fans 必備
Apple Music 作為 Apple 嘅音樂串流平台，最大特色係其龐大嘅音樂庫，目前 Apple Music 以歐美流行歌曲為主，曲目數量約 7,500 萬首，但古典音樂、電影配樂同中日文歌曲相對較少。
而係音質方面，採用 Apple 自家開發嘅壓縮技術——Apple 保真壓縮音訊編解碼器（Apple Lossless Audio Codec，ALAC），解析度範圍由 16 bit / 44.1 kHz（CD 品質）到 24 bit / 192 kHz 不等。並且支援杜比全景聲技術嘅空間音訊。
*Apple Music 個人方案: HKD$63/每月
Tidal - 忠實發燒友推薦
如果你對 Hi-Fi 音樂有認識，或者平時愛聽歐美流行音樂或古典音樂，TIDAL 肯定唔會陌生啦！TIDAL 現時提供大約 9,000 萬首歌曲，雖然中文歌曲相對少啲，而且需經過翻譯先至可以搵到相關嘅歌曲或歌手，但其音質同音樂庫依然令人讚嘆。
自從推出以來，TIDAL 一直係唔少發燒友最推薦嘅串流平台之一。TIDAL 支援 MQA 編碼技術，經過正確嘅 MQA 解碼後，音質最高可以達到 384kHz/24-bit 規格，相當於 CD 資訊量嘅十二倍！而MQA音質嘅歌曲數量亦由最初嘅幾萬首，增加到而家嘅幾百萬首。
*Tidal 個人方案: HKD$63/每月
Spotify - 最齊全的個人化音樂庫
Spotify 擁有超過 8,000 萬首歌曲嘅龐大曲庫，並且同眾多獨立音樂人同唱片公司合作，除咗主流音樂外，仲提供廣泛嘅音樂類型同曲風，方便用戶探索唔同嘅音樂喜好，例如電影原聲帶、Podcast、電台、詩歌朗誦同演講等。
雖然 Spotify 設有免費版，但用家係聽歌嘅時候可能會受到廣告干擾。而訂閱 Spotify Premium 方案之後，就可以免除廣告插播。同時 Spotify 亦會利用強大嘅演算法，根據用家嘅聽歌習慣同埋偏好歌曲數據，去根據呢啲數據推薦更符合用家喜好嘅歌曲，提供最個人化嘅音樂清單。
*Spotify Premium 個人方案: HKD$68/每月
如何玩盡無損音質?
當然，每個音樂串流平台都有自己獨特的訊號處理方式，加上拿到的音源有差異，所以播放效果唔同係意料之內。即使係同一首歌，Apple Music 同 KKBOX 播放出嚟嘅和聲、音質感同層次都會有明顯分別，加上絕大部分手機都有 SRC（Sample Rate Conversion）限制，即使音樂本身嘅採樣率（Sampling Rate）再高，都只能夠以 44.1kHz 或 48kHz 輸出。所以，如果你想享受 24bit/96kHz 或 24bit/192kHz 嘅高音質，就需要用到例如 ACTIVO P1 呢類可以繞過 SRC 嘅 Android 系統 DAP（數碼音樂播放器）。
而 ACTIVO P1 本身提供咗專為無損串流而設的 Bit-Perfect 音訊播放功能，還具備 Roon Ready 和 MQA Full Decoder 功能，能夠支援最高 32bit 以及 DSD 256 的無損 Hi-Res 音效檔案，進一步提升了無損串流播放的能力。
加上可以透過內建嘅 DAR 升頻技術 (Digital Audio Remaster)，透過將音樂檔案進行採樣率升頻處理 (Sample Rate Upsampling)，令用家可輕易解放音樂檔案中更多聲音細節，享受更原汁原味而仔細的高清音樂。
邊個串流平台最啱我?
總括而言，每個音樂串流平台都有其獨特優勢和特色。如果你鐘意多樣化嘅音樂選擇，可以考慮 Apple Music 同 Spotify。呢兩個平台都提供咗大量唔同種類嘅音樂，俾你隨時隨地享受音樂嘅樂趣。如果你偏向聽本地或亞洲音樂，KKBOX 就非常適合你。佢哋提供咗豐富嘅亞洲歌曲，讓你可以輕鬆搵到你鐘意嘅本地歌手同音樂;如果你追求高音質，又鐘意聽歐美歌曲，TIDAL 就係你嘅首選。TIDAL 以高音質見稱，俾你享受極致嘅聽覺體驗。當選擇音樂串流平台時，價錢、音質同兼容設備都係好重要嘅考慮因素。根據你嘅需要同預算，揀一個最適合你嘅平台，享受音樂帶來嘅快樂。
ACTIVO P1音樂播放器
了解更多: https://bit.ly/3YVFztl
*串流方案價錢只供參考
緊貼最新資訊，請關注ECT的 Facebook 專頁、Instagram 帳戶及 YouTube 頻道。
