A6000 作為一款主打現場感嘅耳機，能夠透過精準細緻嘅發聲點，提供更貼近真實嘅聽覺享受，令你可以感受歌曲內在嘅魅力。今次final官方就率先為大家訪問咗A6000嘅品牌負責人 - 小原雄哉先生，等大家可以透過訪問了解更多A6000 嘅設計特色，等大家喺課金之前可以對耳機有更深入嘅理解！
小原雄哉先生介紹
作為A6000嘅主導工程師，小原雄哉先生過去曾經參與開發旗艦級真無線耳機ZE8000，A5000同VR2000 for Gaming。喺加入final之前，佢亦都曾經參與過唔少家電產品及眼鏡設計開發嘅項目，同時更都曾經遠赴德國學習語言，邊賣自己設計嘅眼鏡，擁有相當獨特嘅背景。
A6000 產品介紹
final: 可以為我哋解構一下A6000嘅特色嗎？
小原先生：
A6000採用自家設計嘅6mm「f-Core DU」動圈。單元每個部件包括震膜膜、音圈、磁鐵、磁路、黏合劑，甚至生產設備，全部由final自己設計。亦用到採用黃銅作為外殼材質，由於比起一般鋁材密度更高，受磁力干擾更少，所以能夠實現低失真嘅性能表現。為咗提升瞬態反應，亦都採用30μ超幼CCAW音圈，同時喺組裝時使用極少量黏合劑，令活動部份盡量輕量化。
為咗加強f-Core DU嘅穩定性，final亦喺單元外部加入由CNC不鏽鋼成形嘅單元固定座，可以保持輕盈樹脂機身佩戴舒適度之餘，實現極高解像度與清晰音色。
耳機表面亦首次採用霧面處理，防止刮花同指紋，同時亦為耳機帶嚟更加高貴，舒適嘅配戴感。配線方面，A6000配備新開發2-Pin 單晶銅線材，可以提供高效嘅導電性，提供高還原度嘅音色表現。
A6000嘅結構特色
final: 感覺A6000設計上花咗好多心思，當中又用咗啲咩創新技術呢？
小原先生：
A6000用到嘅不鏽鋼單元固定座，靈感來自A8000嘅單元直裝結構，有效減少不必要震動，令聲音輪廓更清晰，依個亦係A系列「通透音色」嘅核心理念之一，雖然A6000延續咗呢個方向，但我哋亦進行咗新嘗試，創造出屬於A6000獨有嘅音色。今次亦首次標配單晶銅線材，除咗清澈細緻嘅音色表現，亦都可以帶嚟充足嘅能量感，完美呈現A6000嘅聲音特質。
單元內部嘅獨特結構
final:
我哋留意到單元上面有一個好似「喇叭」形狀嘅部件，可以為我哋介紹一下佢嘅用途嗎？
小原：
依個位於單元背部嘅黃銅部件，主要係用嚟精準調整頻率響應，透過空氣質量影響聲音特性，做到濾波器都做唔到嘅聲音微調。
點解會配TYPE E無線耳機專用耳膠 ?
由於喺測試嘅時候A6000測試時發現，用稍大啲嘅短軸耳膠，喺耳道入口位置密封效果更好，高頻表現亦更接近我哋期望嘅效果。
同時耳機嘅三點固定設計，可以透過分佈受力點喺耳道、耳殼及耳珠，依個設計可以令佩戴更穩定。不過由於耳型唔同，部分用家可能會覺得唔易戴好。
我自己耳道向上，如果用A5000附送嘅長軸耳膠，機身會向外突起，難啲做到好強嘅密封性。而改用短軸耳膠，就可以喺耳道入口位穩穩貼實，佩戴感覺更自然。
所以，如果你試過A系列耳機覺得唔貼耳，不妨試下TYPE E無線耳機專用耳膠、FUSION-G三混構造短軸耳膠。
音色評價:
A6000整體音色清澈、細節豐富、輪廓分明，為一款充滿挑戰與創新嘅耳機，希望大家可以感受到佢與其他A系列型號之間嘅分別。
